Saman við Rúna Friis, hava H&H hugt eftir Netflix aktuella Beverly Hills Cop, sum er tann 4. filmurin í filmsrøðini um Axel Foley. Við støði í Beverly Hills Cop tosa vit um Eddie Murphy, stand-up, skemtifilmar, 80'ini, buddy cop action filmar.... ja, í stuttum, so verður nørd-o-metrið sprongt í luftina í hesum nýggjasta partinum av H&H.

Sakaris er føroyingur! Sakaris er skopuningur! Sakaris ger filmar!
í 2012 gjørdist Sakaris fyrsti vinnarin av Geytanum, og hetta var fyri filmin Summarnátt. Eisini hevur hann gjørt filmin Vetrarmorgun, sum varð virðisløntur á altjóða Berlin Filmfestival. (Vetrarmorgun vann IKKI Geytan hetta árið), men (í núvernadi løtu) er Sakaris kanska mest kendur fyri at gera filmin Dreymar við Havið.

Sakaris bæði leikstjórar og skrivar sínar egnu filmar, og í dagsins H&H tosa vit við Sakaris um hansara lívsleið innan film; hvussu gjørdist hannfilmsleikstjóri, og hvussu arbeiðir hann? Hvussu sær hann film sum listagrein?

Í hesum partinum loypa vit í saðilin og ummæla fyrsta part av episku kovboyfilms verkætlanini hjá Kevin Costner: “Horizon: An American Saga.”

Vit borðreiða eisini við einum snarskeiði í nøkrum, sum liggur øllum føroyingum sera nær: Koboyfilmssøgan! Yeehaw!

Filmshúsið hevur fingið nýggjan stjóra!

Tí vóru vit sjálvandi við til almennu móttøkuna hjá nýggja stjóranum Marjun Niclasen, á Vestaru bryggju, fríggjadagin 31/05/24.

Mikudagin settu vit so Marjun stevnu, fyri at hoyra eitt sindur um hana, um filmshúsið og um hennara ætlanir við filmshúsinum næstu árini.

Hermann & Helmsdal ummæla aktuellu filmarnar Challengers við Zendayu í høvuðsrolluni og ræðufilmin Immaculate, har Sydney Sweeney hevur høvuðsrolluna. Tær ungu Sweeney og Zendaya eru báðar kendar úr røðini Euphoria og m.a. hugleiða Hermann & Helmsdal um, hvørjar tær "nýggju" ungu filmstjørnurnar munnu vera í dag? Tosað verður um góð og ring sjónleikara avrik, musicals, ræðufilmar. Vit seta eisini spurningin; nær er filmur so vánaligur, at ein reisir seg og fer úr biografinum?

Í hesum serliga partinum av Hermann & Helmsdal geva vit okkara ummæli av filminum Furiosa og vit hoyra eina spennandi frásøgn frá sjálvum Cannes filmfestivalinum, har Gudmund var við til heimsfrumsýningina av Furiosa: A Mad Max Saga. (Herman var altso IKKI við í Cannes. Vit skulu líka undirstrika enn eina ferð, at Hermann var verandi heima í Føroyum, ímeðan Gudmundur var í Cannes. Altso: Gudmundur var í Cannes, sum er í Fraklandi. Hermann var ikki í Cannes, tí hann var í Føroyum, sum jú ikki er í Fraklandi)