Episodios

  • Boletín informativo ambiental 05/07/24

    Boletín informativo ambiental 05/07/24
    Jul 4 2024
    Rueda nega unha reunión á veciñanza da Ulloa sobre a macrocelulosa de Altri e volve cargar contra as persoas manifestantes. No medio do debate polos impactos de Altri, Ence emite un comunicado coas supostas vantaxes ambientais da planta de reciclado de fibras téxtiles que quere implantar nas Pontes. Ence, Altri... e polo medio, unha Galiza que concentra máis da metade do eucalipto do Estado, segundo un estudo da USC e UVigo. Ademais, a Eira da Xoana de ADEGA, Mariña Patrimonio e a Irmandade Santo Estevo acadan os 6.000 euros necesarios para preservar e protexer a parcela histórica de Santo Estevo de Ermo na Mariña. Isto e máis, en Radio Cerna!
    Más Menos
    10 m
  • Boletín informativo ambiental 28/06/24

    Boletín informativo ambiental 28/06/24
    Jun 27 2024
    O proxecto de Altri en Palas provocará danos irreversibles sobre flora única no mundo. ADEGA e investigadores da USC rexeitan a instalación desta macrocelulosa e piden ás institucións galegas, españolas e europeas que defendan o patrimonio natural. A Xunta de Galiza prepara unha nova lei para simplificar a normativa de tramitación ambiental e tamén declara proxecto industrial estratéxico a mina de Cobre San Rafael no Pino e Touro. En materia eólica, a plataforma Eólicos no Morrazo NON denuncia que máis do 80% das mámoas rexistradas no Morrazo están ameazadas polos polígonos eólicos proxectados.
    Más Menos
    10 m
  • Boletín informativo ambiental 21/06/2024

    Boletín informativo ambiental 21/06/2024
    Jun 20 2024
    Bruxelas alerta o Estado español de que debe evitar a deterioración do encoro de Portodemouros que abastecerá a macrocelulosa de Altri en Palas de Rei. A Facultade de Bioloxía da Universidade de Santiago de Compostela fai público o seu rexeitamento á factoría e adhírese ao manifesto en defensa da flora e fauna ameazada por Altri. A Xunta de Galiza oculta desde xaneiro a solicitude dun novo megaproxecto mineiro en Touro. O Tribunal Superior de Xustiza de Galiza acorda a suspensión cautelar de 49 proxectos eólicos no que vai de ano. Isto e máis, en Radio Cerna!
    Más Menos
    10 m
  • Boletín informativo ambiental 14/06/2024

    Boletín informativo ambiental 14/06/2024
    Jun 13 2024
    Chamado a rodear a Xunta contra a macrocelulosa de Altri o próximo domingo, 30 de xuño. A Xunta aproba a utilidade pública do proxecto eólico Neboada, que ADEGA recorreu e solicitou a súa paralización cautelar no TSXG. Ademais, o tribunal galego anula o permiso da Xunta á única mina de coltán de Europa, en Viana do Bolo. A Fundación Eira da Xoana, Mariña Patrimonio e a Irmandade Santo Estevo de Ermo procuran fondos para recuperar e protexer un espazo privilexiado na Mariña.
    Más Menos
    10 m
  • Boletín informativo ambiental 07/06/24

    Boletín informativo ambiental 07/06/24
    Jun 6 2024
    O Día Mundial do Medio Ambiente en Galiza estivo atravesado pola loita social contra Altri e a vaga eólica, e pola petición de ampliación e mellora urxente da xestión da Rede Natura. ADEGA lanza unha nova campaña de recadación solidaria para frear un polígono eólico na Terra Chá que ameaza o millafre real, unha ave en perigo de extinción. Ademais, un estudo a nivel europeo deita luz sobre a explotación laboral que sofren milleiros de persoas migrantes no sector da agricultura, tamén no Estado español e Galiza.
    Más Menos
    10 m
  • Boletín informativo ambiental 31/05/24

    Boletín informativo ambiental 31/05/24
    May 30 2024
    Palas de Rei acolle unha mobilización histórica contra a macrocelulosa proxectada por Altri e Greenalia no corazón de Galiza. A campaña de recadación solidaria Ti Podes Paralos precisa axuda para reunir os fondos necesarios para levar o polígono eólico Monte Contado ante a Xustiza. A empresa Erimsa proxecta unha mina a ceo aberto dunhas 1.000 hectáreas na comarca de Ordes. A Xunta de Galiza dálle a razón a ADEGA e recoñece que a tramitación da Rolda Leste era irregular. Todo isto e máis, en Radio Cerna!
    Más Menos
    10 m
  • Boletín informativo ambiental 24/05/24

    Boletín informativo ambiental 24/05/24
    May 23 2024
    A factoría de Altri contaminará a atmosfera máis que todas as celulosas do Estado. A análise da documentación do “Proxecto GAMA” non deixa de achegar datos preocupantes. E mentres, empresas e produtoras agroalimentarias da propia Ulloa, do Deza, Melide e Arzúa mostran tamén o seu rexeitamento ao proxecto de macrocelulosa cun manifesto. Ademais, con motivo do Día Europeo da Rede Natura 2000, unha trintena de organizacións ecoloxistas piden triplicar en seis anos a superficie actual da Rede Natura en Galiza. Todo isto e máis, en Radio Cerna!
    Más Menos
    10 m
  • Boletín informativo ambiental 17/05/24

    Boletín informativo ambiental 17/05/24
    May 16 2024
    A megafactoría de Altri constituiría un problema de saúde pública, segundo alertan médicas. Xa son 40 os proxectos eólicos paralizados cautelarmente pola Xustiza no que vai de ano; un dos últimos, o Acibal, no que a empresa promotora, Norvento, segue traballando tras a resolución xudicial, segundo a plataforma Amil Sen Eólicos. O sector marisqueiro atravesa un dos seus peores momentos; e ADEGA celebra a súa Asemblea Xeral en Melide. Todo isto e máis, en Radio Cerna!
    Más Menos
    10 m