Mësimdhënësi nga Shtimja i cili e dhuroi tokën e trashëguar nga prindërit, për ndërtimin e Observatorit dhe Planetariumit Kombëtar të parë të Kosovës, Milaim Rushiti, do të jetë personazh i episodit 33 të Podcast Terminal, nga ICK dhe Radio Urban FM. z. Rushiti, i cili poashtu e udhëheqë Klubin e Astronomisë Astronomy Outreach of Kosovo, së bashku me Pranvera Hysenin e shumë të tjerë, ka vite që mirren aktivitete të shumta në astronomi dhe vrojtim të gjithësisë. Kontributi i tyre në këtë fushë, është i jashtëzakonshëm. Observatorit dhe Planetariumi Kombëtar i Kosovës, u hap në Qershor të këtij viti, me mbështetjen financiare të Ministrisë së Arsimit, Shkencës, Teknologjisë dhe Inovacionit.

Në episodin i 2 i sezonës së 3 të Podcast Terminal po ju sjellim Blin Zeqirin nga Art House, DocMan, Paketos, i cili së fundmi është zgjedhur edhe President i Bordit të Odës Ekonomike Amerikane, @amchamkosovo. Jeta studentore në Angli, fillimet me Art House, familja, dështimet dhe mësimet jetësore, deri tek sukseset pas një pune të pandërprerë. Sezoni 3 i Podcast-it Terminal mbështetet nga @tiveinc, @pbc_kosove dhe @shkolladigjitaleofficial.

Podcast Terminal rikthehet sonte fuqishëm me sezonin e tretë, eksluzivisht në Radio Urban Fm, si bashkëprodhim me Innovation Centre Kosovo (ICK). Në episodin hapës të sezonit më të ri, kemi kënaqësinë t'ju prezantojmë z. Krenar Komoni, themelues dhe CEO i kompanisë Tive, ndër kompanitë më të suksesshme të shqiptarëve nga diaspora, me një rritje jashtëzakonisht të shpejt.z. Komoni e ka filluar kompaninë më 2015, e cila sot ka vlerë mbi 300 milion euro, dhe punëson mbi 200 persona, 86 nga të cilët në zyren e tyre në Prishtinë.

Një rrugëtim jo i lehtë, plot sfida, por edhe suksese. Të gjitha do të shpalosen sonte nga ora 21:00, në 103.5 & 105.5 fm dhe online në radiourban.fm

Sezoni 3 i #Podcast Terminal mbështetet nga Tive, pbc dhe Shkolla Digjitale