طول عمرك بيبقى في توقعات محطوطة من اللي حواليكي. لكن اول ما تبقى ام كم التوقعات و حجمها بيزيد و كمان بيبقى في اطراف كتير متوقعين منك كذا حاجة. و تفضلي في دوامة التوقعات اللي محطوطة عليكي و محدش شايف ده هيأثر ازاي عليكي انتي نفسيا/صحيا و حتي فكريا. و في الاخر بتبقى متلخبطة لما التوقعات دخ تتعارض مع اللي انتي شيفاه صح او عيزاه

ليه دايما في احساس ان الست مش هتعرف تبقي قد مسئولية الشغل ؟ ليه لازم نبذل مجهود اكتر من الراجل ١٠٠٠٠٠ مرة بس عشان نثبت ان يعتمد علينا و هنتحمل أعباء و ضغوطات الشغل؟ كام مرة حسيتي انك لو راجل كان الموقف اللي محطوطة في ده هيختلف تماما ؟

وقت الخطوبة و اول الجواز كان عندنا وقت كتير نقضيه مع بعض. كان في وقت مخصص بس نكلم، نخرج، نعمل حاجة بنحبها مع بعض. فجاة بعد ما يبقى عندنا اولاد بنقعد نفكر كتييير ازاي وصلنا ان مفيش وقت لبعض و حتي قعدتنا كلها بقت كلام عن مصاريف و مشاوير و حاجات لازم نعملها. بيوحشنا وقت الرومانسية و الكلام الحلو و الورد و الخروجات و كلنا بنحس اوي بجملة هند صبري " عايزة ورد يا ابراهيم". اسمعوا الحلقة و قولوا لنا بتعملوا ايه علشان تعرفوا تقضوا وقت مع بعض

ساعات كتير بتفكري في وضعك ، هل ده احسن اختيار و الصح انك تشتغلي ؟ و لا الصح انك تقعدي في البيت ؟ و لا مفيش صح و غلط ؟ دايما بتفكري و عايزة تحققي كل حاجة علي قد ما تقدري و ميجيش علي حساب عيلتك اللي مسئولة عنها. قولي لنا بتفكري ازاي و ايه اللي بيدور في دماغك؟ و شاركينا على صفحتنا على انستجرام

https://www.instagram.com/brewed_chats?igsh=cnJrYWlzanl2cGly

دماغ اي حد بتفكر نقول ٢٠ ساعة ؟؟ دماغ اي أم بتفكر ٢٤/٧ .. طول الوقت يا بنرتب حاجة يا بنفكر في حاجة يا بندور علي حاجة. بنفكر في كذا حاجة في نفس الوقت 😂.. ازاي ده بيأثر علينا و ايه اللي لازم نعمله ده اللي بنتكلم عنه اكترفي الحلقة.

الصحاب من أهم الناس اللي ممكن وجودهم يفرق في حياتك 180 درجة و ممكن تعتمد عليهم في حاجات كتير. ممكن خروجة أو مكالمة أو حتي ستيكر تبعته يغير حاجة في يومك كله. هل الامومة بتاثر على علاقتنا باصحابنا؟ شاركونا رايكوا على صفحة البودكاست على الانستجرام.

اكبر حاجة بتشغل بال كل الامهات سواء بتشتغل او لا هي هناكل ايه النهارده؟ و هل الاكل ده افيد حاجة ليهم؟ هل انا كدة بديهم كل حاجة جسمهم محتاجها؟ و لو مأكلوش كويس بنحس بذنب و تقصير رهيب.معركة في دماغنا عشان عايزين نوفر كل العناصر اللي محتاجنها و نعملهم حاجة بيحبوها

كلنا بنقابل ناس في حياتنا بيتدخلوا في ادق التفاصيل و الحاجات اللي فاهمينها و اللي مش فاهمينها.. منهم ناس بنشوفهم كتير و مضطرين نتعامل معاهم و منهم ناس ممكن نشوفهم صدفة مرة او اتنين ..ساعات بيكونوا فعلا عايزين يساعدونا و ساعات بيبقي تنظير بلا هدف . بتعملوا ايه في المواقف اللي زي دي و ازاي بتعرفوا تحافظوا علي مبدأكم او معتقداتكم و منتوهش في الرحلة