Case no día exacto do aniversario do accidente, a maxistrada Elena Fernández Currás dictou sentenza no macroxuizo polo sinistro de Angrois.

E faino pra dar a razón ás víctimas, as únicas que mantiveron a acusación contra o ex director de seguridade de ADIF, Andrés Cortabitarte. Di a sentenza que resulta incomprensible que se conciba unha liña de alta velocidade cos sistemas de protección máis seguros que existen pra logo modifica-lo proxecto, retirar esa protección, e non analiza-los riscos en materia de seguridade.

Andrés Cortabitarte e o maquinista José Garzón, di a sentenza, infrinxiron o seu deber e aumentaron o risco dun resultado que estaban obrigados a evitar. Cometeron, pois, 79 delitos de homicio e 143 de lesións por imprudencia grave, e deberán cumprir 2 anos e medio de cadea.

Xa están en terra 13 dos catorce superviventes do naufraxio do Argos Georgia

O outro e os corpos dos nove falecidos chegarán pola tarde. Exteriores e a casa armadora manteñen conversas para organizar a repatriación.

En augas de Malvinas queda otros catro mariñeiros, dos galegos de Ribeira e Noia, e os labores de busca están suspendidos.

Unha nova traxedia, esta no mar, que chega na avispera do 25 xullo... xornada festiva na que Santiago é o centro de atención coa tradicional ofrenda ó apóstolo, na que o presidente do Parlamento representa ó Rei, e a manifestación nacionalista que celebra o Día da patria galega.

Xornada festiva na que de novo teremos o ceo prácticamente despeado e temperaturas altas, aínda que sen chegar ós valores que se acadaron o martes.

A empresa Valoriza comeza hoxe a recoller o lixo que desborda os contedores da Coruña.

Saúde Pública aprecia riscos na isntalación da planta de biometano que se proxecta na parroquia lucense de Coeses.

Os socialistas de Ourense poñen en dúbida a disposición do Concello de colaborar coa Xunta para a futura rede de transporte metropolitano na provincia.