Dolina Při Rěce

Nejedná se o českou audioknihu, ale o hornolužickosrbskou audioknihu.   

“Maći, móžemoj hišće jedyn kapitl słuchać?” – je tola to najrjeńše, štož móžeš wot swojeho dźěsća słyšeć, hdyž maš nowu słuchoknihu.  

Zeznajće zhromadnje małych přećelow w dolinje při rěce a přewodźujće jich při dyrdomdejach mjez přećelstwom a hromadźe-dźerženjom. 

Što wotkryje myška Měrka na rěce? Hdźe budźe šwinc Dorian bydlić? Štó njeda zajacej Ferdijej w nocy spać? Słyšiće pjeć zajimawych stawiznow wo tym, što přećelstwo wšitko zamóže a kelko idejow w kóždym z nas tča.     

“Sym cyle zahorjena, zo sym dźěl tutoho projekta, a při nahrawanjach čini mi wulke wjeselo, zo móžu swój humor sobu zaplesć. Haj, bjez hudźby, kiž je Syman Handrik jenož za tutu słuchoknihu stworił, njeby wona cyle tajka magiska była”, praji dźiwadźelnica Gabriela Maria Šmajdźina.  

Słuchokniha je idealna za dźěći w předšulskej starobje abo za dźěći, kiž započinaja čitać. Pohladajće rady tež paralelnje do knižki abo ebooka z wjesołymi ilustracijemi. Dajće sej zhromadne dyrdomdeje lubić! Dolina při rěce hižo na was čaka.   

Dieses obersorbische Hörbuch ist die ideale Ergänzung zum zweisprachigen Buch „Das Tal am Fluss: Fünf Freunde – Dolina při rěce: Mali přećeljo”. Es hilft beim Sorbischlernen und vermittelt spielerisch die richtige Aussprache.   

Please note: This audiobook is in Czech.