Mostrando títulos en Biografías y Memorias

Opspraakwekkende moorde uit die mooie Stellenbosch het die land oor die afgelope twee dekades geskok. Die gesoute joernalis Julian Jansen praat met familie en vriende van die slagoffers, kry toegang tot geslote polisiedossiere en onthul nuwe inligting waaroor daar nog nie vantevore berig is nie. Hier vertel hy die verhale, nie net van die bekende slagoffers nie, maar ook van iemand soos die plaaswerker Felicity Cilliers–’n vrou van wie die wêreld byna vergeet het.

Lindie Stander was op die kruin van haar loopbaan toe sy in ’n bloedbevlekte bed in ’n staatshospitaal wakker word. Elise Kruger, die karakter wat Lindie in Binnelanders vertolk het, het sonder waarskuwing van kykers se televisieskerms af verdwyn. In haar kenmerkend rou stem vertel Lindie haar hartverskeurende maar hoopvolle verhaal.

Met hierdie unieke boek vertel Nataniël die verhaal van ’n kindertyd in drie klein dorpies en een groot voorstad, ’n era waartydens reëls blindelings gevolg is en oor ’n jong seun met ’n oorweldigende vrees vir die gewone. Kyk na my is Nataniël se eerste volwaardige memoir. Voorgelees deur die skrywer.

Anelia Heese hervertel die rou en soms skokkende stories van Suid-Afrikaanse mans wat in die 1970’s en 1980’s verplig is om weermagdiens te doen. In Diensplig praat van dié mans, baie vir die eerste keer, openhartig oor hul ervaringe. Hulle praat hier eerlik oor onder meer die eerste kontak, die eerste keer toe iemand ’n makker verloor het, hoe sommige “terrie-ore” versamel het, oor patrollies in die townships, en die interne stryd wat dikwels agterna gevolg het.

’n Baie lang brief aan my dogter is Marita van der Vyver, een van Afrikaans se mees geliefde skrywers, se ontroerende jeugmemoires. Dit is 'n speurtog deur die skrywer se beginjare, maar dit is ook ’n liefdesbrief aan ’n dogter en ’n taal en ’n land. En bowenal is dit ’n ma se poging om sin te maak van hierdie onverskillige en wrede wêreld waarin sy haar nou begewe.

Van laaitie tot politieke kryger, bandiet tot generaal-majoor, ondergrondse operateur tot presidensiële lyfwag… Jeremy Vearey se lewe het talle onvoorspelbare wendings geneem. Sy eiesoortige vertelling sluit die ouere manne van sy jeug in, die ooms by die damstafel, heimlik politieke kerkjeugkampe en die Kommuniste-manifes, skoolhou en ondergrondse werk vir MK, en sy aanhouding op Robbeneiland. As Mandela se lyfwag help hy 'n opstand in die Karoo ontlont, voor hy deel word van die nuwe SAPD, waar hy saam met die gewese vyand terrorisme en Kaapse bendes takel.

Min sou Dana Snyman weet toe hy die Rugbywêreldbeker-eindstryd op Rondomskrik kyk dat die euforie van dié oomblik kortstondig sou wees; dat ons lewens binnekort soos handomkeer sou verander. Dana verwoord die ervaring van die daaropvolgende agttien maande–van rugbytriomf tot treur en vertwyfeling. Dan kry hy self ook Covid.

Hykie Berg is 'n bekende film- en TV-akteur, geliefd en gewild reg oor Suid-Afrika vir sy rol in Binnelanders en as wenner van Survivor. Hy is ook 'n verslaafde. Op die kruin van sy suksesloopbaan verloor Hykie alles en draai by die dood om. Hier vertel hy sy verhaal openhartig, van die dwelmhole van Hillbrow tot in 'n maksimum-sekuriteitsel in die Weskoppieshospitaal, waar God hom van 'n gewisse dood red. Hykie nooi jou uit om te onthou dat God se liefde ook vir jou bedoel is, en dat, al doen ons wat, God ons nie laat gaan nie.

True Crime South Africa – die Afrikaanse weergawe vertel die ware verhale en intrigues agter van Suid-Afrika se mees berugte en skokkende misdade ooit. Dié episodes het meer inligting wat op spesifiek die slagoffers fokus. Hier hoor jy meer oor die stories wat jy gedink het jy ken. Die episodes is nagevors, geskryf en vervaardig deur Nicole Engelbrecht vir haar gewilde True Crime South Africa reeks. Dit word oorvertel in Afrikaans deur JacarandaFM se Gerda de Sousa.

Elf wrede moorde oor ’n tydperk van vier jaar ruk die gemeenskap van Krugersdorp en haal landwyd nuusopskrifte. Eindelik word al hierdie moorde verbind met Cecilia Steyn en haar kultusgroep, Electus per Deus (uitverkies deur God). Lede van die groep aanbid die grond waarop Cecilia loop en sal selfs vir haar moord pleeg.

Ek is in Amsterdam om ’n PhD aan die Vrije Universiteit te doen. Ek het’n beurs vir 22 maande, maar het reeds besluit dat ek vir ewig hier wil bly. Azille Coetzee het besluit om in Europa aan te bly. Maar iets voel nie reg nie…Daar is tog altyd die vraag: Watter herkoms hou die styfste vas, Afrika of Europa?

Ervarings wat hulself met woorde begin vorm en dan in sinne begin stap met die skrywer se hartsnare wat die leisels hou, gun ongetwyfeld 'n storie die lewe. Hierdie bundel bevat stories en vertellings oor die skrywer se liefde, ervarings en verhoudings in die Boesmanland, die Karoo en Namibië. Dis vars skryfsels vol energie wat die prag van die omgewing waarbinne sy haar bevind eerlik en op so 'n wyse beskryf, dat luisteraars 'n dieper sielsheid ervaar. Daar's sand in my are, kom uit die murg en dis stories wat jou sal laat lag, soms sal laat huil en dalk sal laat dink.

Dis hier waar jy jou ore kan uitleen aan twee internasionaal bekroonde Mevrouens se alledaagse lewens - ‘n dosis hardop lag, lang trane huil, vra vir genade, pleit vir geduld. Elke dag se dinge op ‘n skinkbord en nee, nie met tee nie. Hierdie Mevrouens doen nie tee en toebroodjies nie. Maar dan is Gerda de Sousa en Dianne Broodryk nou ook nie alledaags nie. Hulle is maal twee. Mevrou Mevrou is deur die Africa Podcast and Voice Artists aangewys as die Beste Komedie Potgooi op die kontinent! Hierdie seisoen word aan jou gebring deur die Arrie Nel Apteekgroep.

Flenters is geskryf oor baie jare—op stukkies papier, agterop kwitansies, aankope lysies, doktersrekeninge. Enige iets wat byderhand was om my gedagtes op neer te skryf. Dit het my opgeval dat al hierdie flentertjies, soos stukkies van ‘n legkaart, my lewensreis weerspieël. ‘n Reis van baie seisoene—die van jong vrou, eggenote, moeder, ouma en aktrise. Ek wil graag glo dat die leser ‘n mede-reisiger sal word. ‘n Reis wat dalk, wie weet, nou eers begin…

Vir 45 jaar het Freek Robinson die grootste nuusgebeure in die ou én nuwe Suid-Afrika eerstehands beleef. As TV-joernalis en nuusanker was hy ’n gereelde besoeker in miljoene Suid-Afrikaners se huise. In sy memoires deel Freek dit wat hy agter die skerms beleef het. Dié boek verweef die lewe en loopbaan van een van ons land se mees gerespekteerde en geliefde joernaliste en gee ’n besonderse blik op die ingrypende nuusomwentelinge in ons onlangse geskiedenis.

Na vyf jaar in die wonderlikste land in die wêreld, Switserland, het ek en my gesin besluit om terug te trek na Suid-Afrika, bestemming van moord, roof, beurtkrag en korrupsie. Was ons heeltemal mal? Ek praat met mense wat soos ons in die buiteland gebly het en besluit het om terug te trek en ek probeer verstaan hoekom enige mens gelukkiger sal wees in hierdie moeilike land as in die land van kaas en sjokolade. In die vier-episode potgooi gesels ek met Angel Jones, Johann Rossouw, Inanda Bosman, James Scott, Wilma Rheeder en Barend la Grange. Ons vat ook 'n reis na die verlede om my eie ...

Welcome to Voice of Achievers, your resource for insights on navigating the dynamic world of work. Whether you're a leader, professional, entrepreneur, or lifelong learner, this channel is tailored to meet your needs. Workplaces are like mazes; ups and downs, twists and turns, managing and meeting multiple players at various stages; yet navigating workplaces never come with a clear plan or roadmap. Through Voice of Achievers and its various mini-series, we address specific themes and experiences encountered in the workplace. We explore topics like workplace psychology, difficult conversations...

Het jy al ooit jouself afgevra: Wat gaan aan? Dalk het jy dit net in jou kop geverbaliseer. Of saggies vir jouself in die stort gefluister. Of dalk hardop van ’n baie hoë krans geskree? Of dit net bloot aan jou twee katte gestel terwyl hulle diep in jou oë kyk. Die wêreld is mal en ek love dit. Meestal... Everything is a choice, en mense maak besluite om betekenis en waarde aan hulle lewe te heg. Partykeer maak dit sin. Partykeer nie. Wie gee om? Right? Join my, Wilhelm van der Walt, waar ek met die einstes praat wat probeer sin gee aan die lewe. Theme music: Charl-Johan Lingenfelder ...

La vida me dio una segunda oportunidad de hacer las cosas bien.

Proxy Radio poog om makliker maniere te vind om moeilike gesprekke te voer. Christelike gesprekke vind gewoonlik in twee uiterste vorme plaas, baie vakkundige debatte deur teoloë in ivoortorings, of woedende en hiper-emosionele geloofsaanhang. Proxy Radio poog om lig te verskaf, maar sonder die hitte op algemene en soms nie-so-algemene vrae binne en van buite die geloof. Gewone mense met ywer en 'n gees van nederigheid sal altyd die gesprekke met baie verskillende soorte gaste lei, altyd daarop gemik om die leek te akkommodeer.Jou gashere Regardt De Bruin & Arend Botha.